સરકારી વિજ્ઞાન કોલેજ, વાંકલ ખાતે ટી.વાય.બી.એસ.સી. ગણિતશાસ્ત્ર વિષયમાં અભ્યાસ કરતો વિદ્યાર્થી પ્રજાપતિ અંકિતકુમાર વસંતભાઈ એ IITs (ઇન્ડિયન ઇન્સ્ટિટ્યૂટ ઓફ ટેકનોલોજી) જેવી રાષ્ટ્રીય સ્તરની સંસ્થાઓમાં પ્રવેશ મેળવવા માટે લેવાતી IIT (JAM) 388 ક્રમ સાથે પરીક્ષા પાસ કરી કોલેજનું ગૌરવ વધાર્યું છે.
કોલેજના આચાર્ય ડૉ. પાર્થિવ ચૌધરી દ્વારા પ્રજાપતિ અંકિતને ઉજ્જવળ કારકિર્દી માટે અભિનંદન સહ શુભેચ્છાઓ આપી હતી. આ સાથે ગણિતશાસ્ત્ર વિભાગના અધ્યક્ષ પ્રાધ્યાપક વનરાજ કાગડા અને સિધ્ધિ કોઠારી ને પણ અભિનંદન પાઠવી તેઓની સખત મહેનતને બિરદાવી હતી. આ પ્રસંગે સમગ્ર કોલેજ પરિવારમાં ખુશીની લહેર પ્રસરી ગઈ હતી અને કોલેજના અધ્યાપકોએ પણ અંકિતને અભિનંદન પાઠવ્યા હતા અને ગૌરવની લાગણી વ્યક્ત કરી હતી.
Advertisement
વિનોદ મૈસૂરિયા : વાંકલ
