માંગરોળ તાલુકાના નાની નરોલી ગામેથી એસ ઓ જી ની ટીમે છેલ્લા એક વર્ષથી ચોરીના ગુનામાં નાસ્તા ફરતા વોન્ટેડ આરોપીને ઝડપી પાડ્યો હતો. એસ ઓ જી ના એ એસ આઈ કિરણસિંહ લક્ષ્મણસિંહ અને પો.કો. અમૃતભાઈ ધનજીભાઈને બાતમી મળી હતી કે માંગરોળના નાની નારોલીની ગામે આવેલ જી આઇ પી સી એલ કંપનીમાં એક વર્ષ પહેલા થયેલી તાંબાના વાયરની ચોરીના ગુનામાં સંડોવાયેલો નાસતો ફરતો આરોપી સાજન ઉર્ફે રાજન દેવજી વસાવા રહે. મોકલાણી ફળિયું નાની નરોલી ગામ તાલુકા માંગરોળ જીલ્લો સુરત નાઓ નાની નરોલી ગામના બસ સ્ટેશન પાસે ઉભો છે જેથી એસ ઓ જી ના પી.આઈ બી.જી. ઈસરાણી હે.કો. શૈલેષભાઈ ચંદુભાઈ વગેરે પોલીસ કર્મચારીની ટીમે આરોપીને ઝડપી પાડ્યો હતો. આરોપીએ કબુલાત કરી હતી કે એક વર્ષ અગાઉ જીઆઇપીસીએલ કંપનીમાં તાંબાના વાયરની ચોરી તેના સાથીદાર રઇશ વહાબ શેખ અને ઇમરાન આમીરખાન શેખ સાથે કરી હતી જેમાં સાથીદાર રઇશ ઝડપાઈ ગયો હતો જ્યારે પોતે નાસ્તો ફરતો હોવાનું જણાવ્યું હતું.
વિનોદ મૈસુરિયા : વાંકલ
