માંગરોળ તાલુકાના નાની નરોલી ગામે આવેલ જીઆઇપીસીએલ કંપનીમાં તાંબાના વાયર ચોરીના ગુનામાં સંડોવાયેલો અને એક વર્ષથી નાસતા ફરતા આરોપીને એસ ઓ જી ની ટીમે વાંકલ ગામના બજારમાંથી ઝડપી પાડયો હતો.
નાની નરોલી ગામે એક વર્ષ અગાઉ જી આઇ પી સી એલ કંપનીમાં તાંબાના વાયરની ચોરી થઈ હતી જેમાં એક આરોપી તે સમયે ઝડપાઈ ગયો હતો અને ત્યારબાદ આરોપીએ આ ગુનામાં સંડોવાયેલા અન્ય બે ઈસમો ના નામ પોલીસને આપ્યા હતા. જેમાં થોડા દિવસ પહેલા નાની નારોલી ગામના સાજન ઉર્ફે રાજન વસાવાને ઝડપી લીધો હતો ત્યારબાદ એસ ઓ જી ના હે.કો.શૈલેષભાઈ ચંદુભાઈ સહિતની ટીમ પેટ્રોલિંગ માં હતી ત્યારે એ.એસ આઈ કિરણસિંહ લક્ષ્મણસિંહ અને પો.કો. અમૃતભાઈ ધનજીભાઈને સંયુક્ત બાતમી મળી હતી કે તાંબાના વાયરની ચોરી ગુનામાં સંડોવાયેલો નાની નરોલી ગામનો બીજો આરોપી ઇમરાન આમીર શેખ વાંકલ ગામના બજારમાં ઉભો છે જેને આધારે એસ ઓ જી ના પી.આઈ બી.જી.ઈસરાણીના માર્ગદર્શન હેઠળ ટીમે ઉપરોક્ત સ્થળે રેડ કરી ઝડપી લીધો હતો.
