માંગરોળ તાલુકાના કોસાડી ગામેથી ગૌવંશના ચાર ગુનામાં નાસ્તા ફરતા વોન્ટેડ આરોપીને પોલીસે ઝડપી પાડ્યો હતો. કોસાડી ગામનો હરેશ ઉર્ફે સાયમન નગીન વસાવા વિરુદ્ધ માંગરોળ પોલીસ મથકમાં ગૌવંશના વિવિધ ચાર જેટલા ગુનાઓ નોંધાયા હતા. ઉપરોક્ત આરોપી છેલ્લા કેટલાક સમયથી નાસ્તો ફરતો હતો. આરોપી હરેશ ઉર્ફે સાયમન નગીન વસાવા કોસાડી ગામે હોવાની બાતમી માંગરોળના પો.સ.ઇ. એચ આર પઢીયાર અને પો.કો. વિપુલભાઈ વિક્રમભાઈને મળતા પોલીસ કર્મચારીની ટીમે ઉપરોક્ત સ્થળે રેડ કરતા આરોપી હરેશ ઉર્ફે સાયમન નગીન વસાવા ઝડપાઈ ગયો હતો.
Advertisement
