વિજ્ઞાન મેળામાં કોસાડી હાઈસ્કૂલની કુલ 11 માંથી 7 કૃતિ વિજેતા, જેમાંથી 3 કૃતિ પ્રથમ ક્રમાંકે, 1 કૃતિ દ્વિતીય ક્રમાંકે અને 3 કૃતિ તૃતીય ક્રમાંકે રહી. પ્રથમ ક્રમાંકે રહેલી 3 કૃતિઓ જિલ્લા કક્ષાના વિજ્ઞાન મેળામાં ભાગ લેશે. કોસંબાની હાજી એ એમ મોતાલા અંગ્રેજી માધ્યમ શાળામાં SVS-14 (અંબિકા) કક્ષાના વિજ્ઞાન-ગણિત અને પર્યાવરણ પ્રદર્શન-2023 નું આયોજન થયું હતું. જેમાં સમગ્ર સંકુલની વિવિધ શાળાઓમાંથી કુલ 90 જેટલી કૃતિઓ પ્રદર્શનમાં હતી. જેમાંથી કોસાડી હાઈસ્કૂલની 11 કૃતિઓ હતી અને 7 કૃતિઓ વિજેતા જાહેર થઈ હતી.
આ પ્રસંગે કોસાડી હાઈસ્કૂલની સાયન્સ ટીમના શિક્ષકો નિલોફરબેન તંબોલી, ઝકરિયાભાઈ કારા, અક્ષયભાઈ ચૌધરી અને ભૂમિતાબેન ચૌધરી તથા શાળાના ભૂતપૂર્વ વિદ્યાર્થી મોહંમદ સાલેહ, લુવારાએ સક્રિય કામગીરી બજાવી હતી અને બાળ વૈજ્ઞાનિકોને યોગ્ય માર્ગદર્શન પૂરું પાડ્યું હતું. સમગ્ર જામિઆહ ઈસ્લામિય્યાહ, અક્કલકુવાના પ્રમુખ મૌલાના ગુલામ મોહમ્મદ વસ્તાનવી કોસાડી હાઈસ્કૂલના તમામ માર્ગદર્શક શિક્ષકો અને સ્ટાફ ગણને અભિનંદન પાઠવ્યા હતા.સંસ્થાના ટ્રસ્ટી શ્રી હાફિઝ સાદ જાડા અને શાળાનાં આચાર્ય મોહમ્મદ તારીક શેખે પણ આ પ્રસંગે તમામને અભિનંદન પાઠવ્યા હતા.
વિનોદ મૈસુરિયા : વાંકલ