માંગરોળ તાલુકાનાં લુવારા ગામે જુના ઝઘડાની અદાવતમાં બે પરિવારો વચ્ચે મારામારી થતા બંને પરિવારોએ એકબીજા વિરુદ્ધ માંગરોળ પોલીસ મથકમાં સામ સામે ફરિયાદ નોંધાવી છે.
લુવારા ગામે તળાવ ફળિયામાં રહેતી હાજરાબેન રસીદભાઈ સાજીએ તેમના પતિ અને પુત્રને જુના ઝઘડાની અદાવતમાં હુમલો કરી માર મારી જાનથી મારી નાંખવાની ધમકી આપવા અંગે પાંચ ઈસમો વિરુદ્ધ ફરિયાદ નોંધાવી છે જેમાં હસનજી ઉર્ફે ગોરો અહમદ સાજી, સહેજાદ યુસુફ સાજી, અહમદ યુસુફ સાજી, અયાન હસનજી સાજી, ઈસુફ અહમદ સાજી સહિતના આરોપીએ હાજરા બહેનનાં પતિ રસીદભાઇ અને પુત્ર અલ્તાફને લાકડી વડે માર મારી ઇજાઓ કરતા તેઓ વિરુદ્ધ ફરિયાદ નોંધાવી છે. હાલ રસિદભાઈ અંકલેશ્વર ખાતે એક હોસ્પિટલમાં સારવાર હેઠળ છે જ્યારે સામે પક્ષે હસનજી ઉર્ફે ગોરો અહમદ સાજીએ લાકડી વડે હુમલો કરી માર મારવાના ગુના હેઠળ આસિફ રસીદ સાજી, અલ્તાફ રસીદ સાજી, અસરફ રસીદ સાજી, રસીદ મોહંમદ સાજી અને હાજરાબેન રશીદ સાજી વિરુદ્ધ જુના ઝઘડાની અદાવતમાં ઝઘડો કરી માર મારવાના ગુના હેઠળ ફરિયાદ નોંધાવી હતી.
