પ્રાપ્ત થતી માહિતી અનુસાર માંગરોળ પોલીસ પેટ્રોલિંગમાં હતી તે દરમિયાન બાતમીના આધારે શાહ ગામે રેડ કરતા એક શખ્સને ઝડપી પાડી ગુનો નોંધ્યો છે.
માંગરોળ તાલુકાના શાહ ગામે નવા ફળિયામાં બાતમીના આધારે રેડ કરતા રાજુભાઈ વસાવાના ઘરના પાછળના ભાગે મુંબઈથી નીકળતા વરલી મટકાનો જુગાર રમાઈ રહ્યો હતો. તે દરમ્યાન પોલીસે રેડ કરતા રાજુભાઈ વેચાણભાઈ વસાવા (ઊં.વ.૩૫ ,રહે.નવાપરા ફળિયું, શાહગામ) ને પોલીસે ઝડપી લીધો હતો. તેની અંગજડતી કરતા રોકડા રૂ.૮૨૦ અને એક મોબાઇલ ફોન મળી જેની કિંમત રૂ.૩૦૦૦ મળી કુલ રૂ.૩૮૨૦ નો મુદ્દામાલ કબજે કર્યો હતો. ઉપરાંત ઝડપાયેલ શખ્સે આંકડાનું કટીંગ માંગરોળનાં મસ્જિદ ફળિયામાં રહેતા ભાવેશભાઈ શાહને મોબાઈલ પર આપતો હોવાનું કબૂલ્યું હતું. જેથી પોલીસે ભાવેશ શાહને વોન્ટેડ જાહેર કરી જુગારધારા કલમ(૧૨) હેઠળ ગુનો દાખલ કર્યો હતો.
વિનોદ મૈસૂરિયા : વાંકલ
