જિલ્લા આયોજન મંડળ હેઠળ ૧૫ ટકા વિવેકાધિન જોગવાઈ હેઠળ ટ્રાયબલ એરિયા સબ પ્લાન અંતર્ગત માંગરોળ તાલુકામાં રૂા.૧૭ લાખના ખર્ચે ૧૨ જેટલા રસ્તા, ગટરલાઈન, બોર સહિતના વિકાસકામો મંજુર કરવામાં આવ્યા છે.
જેમાં મોસાલી ગામે રૂા.૭૫-૭૫ હજારના ખર્ચે વસંત ઠાકોરના ઘરેથી રાકેશ અમરતના ઘર સુધી સી.સી.રોડનું કામ તથા જયેશ ચંદુના ઘરથી સામે બોર હેન્ડ પંપનું કામ, રૂા.૨.૫૦ લાખના ખર્ચે પીપોદરા ગામે વિશ્વકર્મા નગરમાં મનુભાઈ ભરવાડના ઘરથી મેઈન રસ્તા સુધી ગટરલાઈનનુ કામ તથા રૂા.૭૫ હજારના ખર્ચે શાહ ગામે સતીષ ગામીતના ઘરની સામે પેવર બ્લોકનું કામ મંજૂર કરવામાં આવ્યું છે. આ ઉપરાંત વાંકલ ગામે રૂા.૭૫-૭૫ હજારના ખર્ચે વેરાવી ફળીયામાં હનુમાન મંદિર પાસે પેવર બ્લોકનું કામ તથા પાણીની ટાંકી સુધી સી.સી.રોડ ઉપરાંત રૂા.૨.૫૦ લાખના ખર્ચે રાજુભાઈના ઘરેથી પાણીની ટાંકી સુધી ગટરલાઇન તથા રૂા.૨.૫૦ લાખના ખર્ચે વજનભાઈ અને પુનાભાઈ ઘર પાસે વાંકલ આમખુટા મેઈન રોડ પર નાળાનું કામ મંજૂર કરવામાં આવ્યું છે. રૂા.૨.૫૦ લાખના ખર્ચે સિયાલજ ગામે અવિનાશભાઈ પટેલના ઘર પાસેથી સુભાષભાઈના ઘર સુધી ગટરલાઈનનું કામ તથા રૂા.૧.૫૦ લાખના ખર્ચે કુંવરદા ગામે ભરવાડ વાસમાં મનોજનભાઈના ઘર પસોથી ડામર રસ્તાનું કામ મંજૂર કરવામાં આવ્યું છે.
વિનોદ મૈસુરિયા : વાંકલ
