માંગરોળ તાલુકા ભાજપ સંગઠનના પ્રમુખપદે મુકુંદભાઇ પટેલ ની વરણી કરવામાં આવતા તાલુકા ભાજપ ના કાર્યકરો અને આગેવાનોએ વરણી ને આવકારી અભિનંદન આપ્યા હતા.
છેલ્લા કેટલાક સમયથી પોતાના અંગત કારણોસર માંગરોળ તાલુકા ભાજપ સંગઠનના પ્રમુખ એ રાજીનામું ધરી દીધું હતું જેથી પ્રદેશ ભાજપ પ્રમુખ સી આર પાટીલ તેમજ પૂર્વ કેબિનેટ મંત્રી ગણપતભાઈ વસાવા દ્વારા જિલ્લા ભાજપ પ્રમુખ સંદિપ દેસાઇ અને અન્ય ભાજપ સંગઠનના આગેવાનો સાથે ચર્ચા વિચારણા કરી આખરે માંગરોળ તાલુકા ભાજપના મહામંત્રી તરીકે છેલ્લી બે ટર્મથી સંગઠન લક્ષી કામગીરી કરતા સીમોદરા ગામના ઉત્સાહી ભાજપ કાર્યકર મુકુંદભાઈ હરિભાઇ પટેલ ની તાલુકા ભાજપ સંગઠન પ્રમુખ પદે પસંદગી કરવામાં આવી હતી.જ્યારે સંગઠનમાં સ્થાનિક ભાજપ કાર્યકરોમાં આનંદની લાગણી ફેલાઇ ગઇ હતી. આ તકે સુરતજિલ્લા મહામંત્રી દિપક વસાવા,માંગરોળ તાલુકા પંચાયતના ઉપપ્રમુખ ભરત પટેલ,મુકુંદ પટેલ,ઈશ્વર પરમાર, વિપુલ પરમાર તેમજ કાર્યકરો હાજર રહ્યા હતા.
વિનોદ મૈસૂરિયા : વાંકલ
