માંગરોળ તાલુકાના ડુંગરી ગામની ૧૬ વર્ષીય કિશોરીને પાણી ગરમ કરવાનું હીટરથી કરંટ લાગતા કરૂણ મોત નિપજ્યું છે. ડુંગરી ગામના મોગલાણી ફળિયામાં રહેતી વૈભવીબેન વિજયભાઈ ગામીત સવારે પાણીની ડોલમાં હીટર મૂકી પાણી ગરમ કરી રહી હતી ત્યારે પાણી ગરમ થયું છે કે કેમ તેની તપાસ માટે પાણીની ડોલમાં હાથ નાખતા હીટરમાં ફોલ્ટ હોવાથી કિશોરીને કરંટ લાગ્યો હતો અને પટકાઈ જતા ઘરના સભ્યો દોડી આવ્યા હતા અને તાત્કાલિક તડકેશ્વર ખાતેની હોસ્પિટલમાં તેને લઇ જવામાં આવી હતી પરંતુ ફરજ પરના ડોક્ટરોએ તેને મૃત જાહેર કરી હતી ત્યારબાદ માંગરોળના સામુહિક આરોગ્ય કેન્દ્ર ખાતે કિશોરીના મૃતદેહને પીએમ માટે લઈ જવામાં આવ્યો હતો. આ ઘટનાની જાણ માંગરોળ પોલીસને કરવામાં આવતા પોલીસે કાયદેસરની કાર્યવાહી કરી હતી.
વિનોદ મૈસુરિયા : વાંકલ
Advertisement
