માંગરોળ તાલુકાના વડ, લવેટ નાંદોલા અને ભડકુવા સહિત ચાર ગામોમાં તાલુકા જિલ્લા પંચાયતના ચૂંટાયેલા પ્રતિનિધિઓના હસ્તે રૂપિયા ૩૫ લાખના વિકાસ કામોનું ખાતમુર્હુત અને લોકાર્પણ કરવામાં આવ્યું હતું. માંગરોળના ધારાસભ્ય ગણપતભાઈ વસાવાની ગ્રાન્ટમાંથી તેમજ અન્ય વિભાગોની ગ્રાન્ટમાંથી વિવિધ ગામોમાં વિકાસ કામોનું નિર્માણ કરાયું છે જ્યારે કેટલાક કામોનો પ્રારંભ કરવામાં આવી રહ્યો છે જેમાં સીસી રોડ રસ્તા, પેવર બ્લોક, ગરનાળા ગટર લાઈન સહિતના કામોનું ખાતમુર્હુત અને લોકાર્પણ ઝંખવાવ જિલ્લા પંચાયત બેઠકના ચૂંટાયેલા પ્રતિનિધિ અને દંડક દિનેશભાઈ સુરતી તેમજ ભાજપના વરિષ્ઠ આગેવાન હર્ષદભાઈ ચૌધરી, માંડણ તાલુકા પંચાયત સદસ્ય મુકેશ ગામીત, વડ તાલુકા પંચાયત સદસ્ય દિપક ચૌધરી, ભીલવાડા તાલુકા પંચાયત સદસ્ય ભૂમિબેન વસાવા વગેરેના હસ્તે વિકાસ કામોનું લોકાર્પણ અને ખાતમૂહૂર્ત થયું હતું. આ પ્રસંગે લવેટ ગામના સરપંચ મનોજભાઈ વસાવા ભડકુવા ગામના સરપંચ ગણેશભાઇ ચૌધરી તેમજ ગ્રામજનો ઉપસ્થિત રહ્યા હતા.
વિનોદ મૈસુરિયા : વાંકલ
