માંગરોળ તાલુકાનાં ઝંખવાવનાં સેવાભાવી મુસ્તાકભાઇ મુલતાની (4 સ્લીપ મેટ્રેસ )તરફથી અઠવાડિયામાં બે વાર જાહેર સ્થળોને સૅનેટાઇઝેશન કરાશે.

સુરત જીલ્લાના ગ્રામ્ય વિસ્તારોમાં પણ કોરોના વાયરસ પ્રસરી રહ્યો છે જેને લીધે તકેદારીના ભાગ રૂપે 4 સ્લીપ મેટ્રેસના માલિક મુસ્તાકભાઇ મુલતાની દ્વારા ફ્રી માં માસ્કનું વિતરણ પણ કરાયું હતું અને હવે સૅનેટાઇઝ કરી કલગીમાં એક મોરપીંછ ઉમેરવાનું કાર્ય કર્યું છે. તેમના દ્વારા રેફરલ હોસ્પિટલ અને સામુહિક આરોગ્ય કેન્દ્ર ઝંખવાવ, ચેકીંગ નાકુ ચાર રસ્તા પર, આઉટ પોસ્ટ પોલીસ ચોકી, બેંક ઓફ બરોડા, સુરત ડિસ્ટ્રિક્ટ બેંક, ગ્રામ પંચાયત અને બે એ.ટી.એમ. ને અઠવાડિયામાં બે વાર સેનિટાઇઝ કરવામાં આવશે. ગ્રામ્ય વિસ્તારોમાં પણ કોરોના દર્દી નજરે પડી રહ્યા છે જેને કારણે સૅનેટાઇઝ કરવું ખૂબ જ આવશ્યક છે. ઝંખવાવના ગ્રામજનોએ તેમનો આભાર માન્યો હતો.