મેક્સિકોના ઓક્સાકામાં એક ભયાનક માર્ગ અકસ્માત થતા 3 બાળકો સહિત 18 લોકોના મોત થયાના સમાચાર મળી રહ્યા છે જ્યારે 29 લોકો ઘાયલ હોવાનું કહેવાય છે. મૃતકોમાં મોટા ભાગના પ્રવાસીઓ છે.
મેક્સિકોમાં વેનેઝુએલા અને હૈતીથી સ્થળાંતર કરનારાઓને લઈ જતી બસ પલટી ગઈ હતી. આ ભયાનક અકસ્માતમાં બે મહિલાઓ અને ત્રણ બાળકો સહિત કુલ 18 લોકોના મોત થયા છે. સ્થાનિક સમાચાર એજન્સી અનુસાર આ અકસ્માત ઓક્સાકા અને પાડોશી રાજ્ય પુએબ્લાને જોડતા હાઈવે પર વહેલી સવારે થયો હતો. સ્થાનિક અધિકારીઓના નિવેદન મુજબ બસ દુર્ઘટનામાં કુલ 29 લોકો ઘાયલ થયા છે જેને તાત્કાલિક ધોરણે હોસ્પિટલમાં દાખલ કરવામાં આવ્યા છે. મેક્સિકોની નેશનલ ઈમિગ્રેશન એજન્સીએ જણાવ્યું કે બસમાં 55 વિદેશી નાગરિકો સવાર હતા.
Advertisement
