અક્ષય કુમારની મોસ્ટ અવેટેડ ફિલ્મ OMG-2 ઘણા સમયથી ચર્ચામાં છે. OMG-2 એ 2012 ની ફિલ્મ OMG ની સિક્વલ છે. OMG માં અક્ષય કુમાર સાથે પરેશ રાવલ લીડ રોલમાં હતા. આ ફિલ્મમાં અક્ષયે કૃષ્ણાનું પાત્ર ભજવ્યું હતું. ઓએમજી ફિલ્મને બોક્સ ઓફિસ પર દર્શકોનો ઘણો પ્રેમ મળ્યો. આ ફિલ્મની સફળતા જોઈને OMG-2 બનાવવામાં આવી છે.
અક્ષય કુમારે શેર કર્યું ટીઝર
હવે ઘણા સમયથી સતત ચર્ચામાં રહેલી ફિલ્મ OMG 2 નું ટીઝર રિલીઝ થઇ ગયુ છે. આ ફિલ્મમાં અક્ષય કુમારની સાથે પીઢ અભિનેતા પંકજ ત્રિપાઠી જોવા મળશે. ફિલ્મ OMG-2 ના ટીઝરની શરૂઆત પંકજ ત્રિપાઠીથી થાય છે. ટીઝરની શરુઆત જ પંકજ ત્રિપાઠીથી થાય છે જે ભગવાનમાં શ્રદ્ધા રાખે છે. તે જ સમયે, આ પછી, ટીઝરમાં અક્ષય કુમારની એન્ટ્રી છે, જે શિવાની ભૂમિકા ભજવી રહ્યો છે. ટીઝરમાં પંજક અને અક્ષય કુમારના કેટલાય દ્રશ્યો બતાવવામાં આવ્યા છે.
ફિલ્મ OMG-2 આવતા મહિનાની 11 મી તારીખે રિલીઝ થશે. રસપ્રદ વાત એ છે કે, 11 ઓગસ્ટે અક્ષય કુમારની OMG-2 બોક્સ ઓફિસ પર સની દેઓલની ગદર 2 સાથે ટક્કર કરવા જઈ રહી છે. OMG-2 માં અક્ષય કુમાર અને પંકજ ત્રિપાઠી સાથે અભિનેત્રી યામી ગૌતમ મુખ્ય ભૂમિકામાં જોવા મળશે.
મીડિયા રિપોર્ટ્સ અનુસાર, એવા સમાચાર છે કે OMG-2 માં શ્રીરામનો રોલ પણ જોવા મળશે, જે અભિનેતા અરુણ ગોવિલ કરી શકે છે. ફિલ્મનું ટીઝર જોયા બાદ ફેન્સ સોશિયલ મીડિયા પર પોતાની પ્રતિક્રિયા આપી રહ્યા છે.
