અખિલ ભારતીય વાલ્મિકી મહાપચાયત યુવામોર્ચા ના ઉપાધ્યક્ષ પદે કમલેશ સોંલકી ની નિમણુક.

ભરૂચ નગરના લાલબજાર વાલ્મિકી સમાજના યુવાન કમલેશભાઈ સોંલકી ની અખિલ ભારતીય વાલ્મિકી મહાપચાયત યુવા મોરચા ના રાષ્ટ્રીય ઉપાધ્યક્ષ પદે નિમણુક થતાં ભરૂચ જિલ્લા ના વાલ્મિકી સમાજમાં આનંદ અને ગૌરવની લાગણી ફેલાઈ ગઇ છે. ભરૂચ નગરના લાલબજાર વાલ્મીકીવાસ વિસ્તાર માં રહેતા કમલેશભાઈ કલ્યાણ ભાઈ સોંલકીઍ સમાજ ના હિતમાં કરેલ કાર્યો ને ધ્યાનમાં લઈને આ અતિ મહત્વના હોદ્દા પર તેમની નિમણુક કરવામાં આવી છે. કમલેશભાઈ સોંલકી ઘણા લાંબા સમય થી સમાજની વિવિધ સમસ્યાઓને વાચા આપતાં રહ્યા છે. ખાસ કરીને વાલ્મિકી સમાજના યુવાનો સામે અનેક પડકારો અને સમસ્યાઓ છે આવા પડકાર અને સમસ્યાઓને વાચા આપવામાં અને તેનો ઉકેલ લાવવામાં કમલેશભાઈ સફળ સાબિત થયા છે તેમની આ નિમણુંક ના પગલે સમાજમાં આંનદ ની લાગણી ફેલાઈ ગઇ છે.