અમદાવાદ વડોદરા એક્સપ્રેસ હાઇવે પર નડિયાદના ડભાણ નજીક ગઇકાલે મોડી રાત્રીના સુમારે રેતી ભરેલ એક બેફામ ટ્રેલરએ સાઈડમાં પવનચક્કીના પાંખિયા ભરી ઉભેલા ટ્રેલરને ટક્કર મારતા અકસ્માત સર્જાયો હતો. ટક્કર માર્યા બાદ ટ્રેલર રોડ પર આડુ થઇ જતા હાઇવે પર બે થી ત્રણ કિલોમીટર સુધી ટ્રાફિક જામ થઇ ગયો હતો. આ બનાવમાં કોઈ જાનહાની થઇ ન હતી પણ કરોડોના પાંખિયાને નુકશાન પહોંચતા ડ્રાઇવર ચિંતામાં આવી ગયો હતો. બીજી તરફ અકસ્માત સર્જનાર ટ્રેલરના ચાલક વાહન મૂકી ગુમ થઇ જતા પોલીસે તેની શોધખોળ હાથ ધરી હતી. હાઇવે પેટ્રોલિંગ એ ટ્રાફિક હળવો કરતા વાહન વ્યવહાર પૂર્વવત થયો હતો.
નરેશ ગનવાણી : નડિયાદ
Advertisement
