નડિયાદ : ડભાણ ભાગોળ વિસ્તારમાં આવેલા એક ફ્લેટના બંધ મકાનમાં તસ્કરો એ હાથફેરો કર્યો.

નડિયાદમા ડભાણ ભાગોળ વિસ્તારમાં આવેલા એક ફ્લેટના બંધ મકાનમાં તસ્કરોએ નિશાન બનાવી ઘરેણાં તથા રોકડ રૂપિયાની ચોરીનો બનાવ પ્રકાશમાં આવ્યો છે.

નડિયાદ શહેરના ડભાણ ભાગોળ ખાતે આવેલ સર્કલ પાસેના એક ફ્લેટમા રહેતા પરિવાર મંગળવાર પોતાનુ મકાન બંધ કરી કામ અર્થે બહાર ગયો હતો. આ દરમિયાન કોઈ અજાણ્યા ઇસમોએ ચોરી આચરી છે. બુધવારે સવારે આ પરિવારના લોકો ઘરે પરત આવતા ઘરના રૂમમાં આવેલ તીજોરીમાંથી સામાન વેરવિખેર હાલતમાં હતો. આ જોઈ મકાન માલિક પણ ચોકી ગયા હતા અને બાદમા તપાસ કરતા ઘરમાંથી સોનાના દાગીના અને રોકડ રૂપિયાની ચોરી થઈ હોવાનું જાણવા મળ્યું હતું. આ સમગ્ર મામલે મકાન માલિકે પોલીસને જાણ કરી છે. અંદાજીત બે લાખના મુદ્દામાલની ચોરીની આશંકા મકાન માલિકે સેવી છે.

નરેશ ગનવાણી : નડિયાદ