કઠલાલ-કપડવંજ રોડ પર ટ્રકના ચાલકે બે બાઇકને અડફેટે લેતાં અકસ્માત સર્જાયો હતો. આ બનાવમાં બે બાઇક પર સવાર ત્રણ વ્યક્તિઓ પૈકી એક યુવકનુ બનાવ સ્થળે મોત નિપજયુ હતુ. જ્યારે બીજા યુવકનું સારવાર દરમિયાન અને ત્રીજો યુવક હોસ્પિટલમાં સારવાર હેઠળ છે.
કપડવંજના ફતિયાવાજમાં રહેતા વનરાજસિંહ પરમારના ભાઈ દશરથસિંહ બાઇક લઇ કપડવંજ મારૂતિ ઓર્થોપેડીક હોસ્પિટલમાં નોકરી પર જવા નીકળ્યા હતા. તે સમયે કઠલાલ-કપડવંજ રોડ પર આવેલ નર્મદા કેનાલની આગળ આવેલ મહંમદપુરા ગામની સીમમાં પસાર થતા એક ટ્રકના ચાલકે બાઇક પર સવાર દશરથસિંહ અને બીજા બાઇક પર સવાર વિમલ અને પ્રેમકુમારને અડફેટે મારી હતી. આ અકસ્માતના બનાવમાં ગંભીર રીતે ઘવાયેલા દશરથસિંહનુ સ્થળ પર મોત નિપજયુ હતુ. જ્યારે ગંભીર રીતે ઘવાયેલા વિમલભાઇ ભૂલાભાઈ સોલંકી હોસ્પિટલમાં ખસેડવામાં આવ્યો હતો જ્યાં તેનું સારવાર દરમિયાન મોત નિપજયુ હતુ. જ્યારે પ્રેમકુમાર શીવાભાઈ પરમાર સારવાર હેઠળ છે. વનરાજસિંહ સુરેશસિંહ પરમારની ફરિયાદ આધારે કપડવંજ ટાઉન પોલીસે ટ્રકના ચાલક વિરુદ્ધ ફરિયાદ નોંધી વધુ તપાસ હાથ છે.
નરેશ ગનવાણી : નડિયાદ
