નડિયાદના ડભાણ રોડ બુધવારની રાત્રે ડભાણ રોડ પરથી પસાર થતા મોટરસાયકલની આગળ અચાનક ગાય આવી જતા ચાલક હિરેનભાઈ સુરેશભાઈ પંચાલ (ઉ.વ.28, રહે,યોગીનગર) બ્રેક મારતા બાઈકના સ્ટેરીંગ પરનો કાબુ ગુમાવી બેસતા ગાય સાથે અથડાયા અને રોડ પર પડયા હતા. જેના કારણે હિરેનભાઈને શરીરે ગંભીર ઇજાઓ પહોંચી હતી. જોકે તેઓને સારવાર માટે લઈ જતા અને સારવાર મળે તે પહેલા જ મોત નીપજ્યું હતું. આ બનાવ સંદર્ભે હિરેનભાઈના પિતા સુરેશભાઈ પંચાલે નડિયાદ ગ્રામ્ય પોલીસમાં ફરિયાદ નોંધાવી છે. સ્થાનિકોએ રોષ પૂર્વક જણાવ્યું છે કે સ્ટ્રીટ લાઈટના અભાવે અનેકવાર નાના મોટા અકસ્માતો સર્જાતા હોય છે સત્વરે અહીંયા સ્ટ્રીટ લાઈટો શરુ કરવામાં આવે તેવી માંગ પ્રબળ બની છે.
નરેશ ગનવાણી : નડિયાદ
Advertisement
