નડિયાદ વિધાનસભા બેઠક પર ભાજપના ઉમેદવાર પંકજ દેસાઈએ ડિજિટલ ઇન્ડિયાની થીમ પર ખાસ રોબોટ દ્વારા પ્રચાર-પ્રસાર કાર્યો આરંભી
દીધા છે. લોકો પણ આ રોબોટને જોઈને આશ્ચર્યચકિત થઈ રહ્યા છે. આ વખતે ઉમેદવારો પ્રચાર-પ્રસાર માટે અવનવી ટેક્નિકનો ઉપયોગ કરી રહ્યા છે અને એમાંય ખાસ કરીને વડાપ્રધાન નરેન્દ્ર મોદીનું ડિજિટલ ઇન્ડિયાનું જે સપનું છે, એ સપનાને સાકાર કરવા માટે ખેડા જિલ્લાની નડિયાદ વિધાનસભા બેઠક પર ભાજપના ઉમેદવાર પંકજ દેસાઈના ચૂંટણીપ્રચારમાં ડિજિટલ રોબોટ ટેક્નિકનો અ અભિગમ અપનાવવામાં આવી રાયો છે. આ ડિજિટલ રોબોટ દ્વારા ભાજપના નડિયાદ વિધાનરાભાના ઉમેદવારનો પ્રચાર કરવામાં આવી રહ્યો છે અને લોકો પણ આ રોબોટને જોઈને આશ્ચર્યચકિત થઈ રહ્યા છે.
આ રોબોટમાં સાઉન્ડ સિસ્ટમથી વિકાસલક્ષી કામોની માહિતી પ્રજા સુધી પહોંચાડશે ઉમેદવાર પંકજ દેસાઇએ જણાવ્યું કે, અમારા આઈટી સેલના પ્રમુખ મધ્યઝોનના હર્ષિલભાઈ દ્વારા આ રોબોટ તૈયાર કરી અહીં લાવવામાં આવ્યો છે અને વડાપ્રધાન નરેન્દ્ર મોદીનું જે હાઇટેક પ્રચાર પ્રસારનું સ્વપ્ન છે તે માટે ખાસ આ ખાસ રોબોટ તૈયાર કરાવવામાં આવ્યો છે. આ રોબોટ લોકો વચ્ચે ફરી પેમ્પ્લેટ આપશે અને આ રોબોટમાં ખાસ સાઉન્ડ સિસ્ટમ રહેવાથી નડિયાદ વિધાનસભામાં થયેલા વિવિધ વિકાસલક્ષી કામોની પ્રજા સુધી માહિતી પહોંચાડશે.
નરેશ ગનવાણી : નડિયાદ
