નડિયાદ નગરપાલિકા પાસે કાંસ બેસી જતા ટ્રકો ફસાઈ.

નગરપાલિકાની કમ્પાઉન્ડ વોલને અડીને આવેલા શેરકંડ તળાવ પાસેના જર્જરિત કાંસ પરની જોખમી દુકાનો થોડા માસ અગાઉ પાલીકા તંત્ર એ તોડી કાંસને ખુલ્લો કર્યો હતો. પરંતુ કેટલીક જગ્યાઓ પર કાંસ પરનો જોખમી સ્લેબ રહેવા દેતાં આસપાસના ધંધાર્થીઓ અહીંયા મોટા વ્હિકલો પાર્ક કરી રહ્યા હતા. રવિવારની રાત્રે અહીંયા આ કાંસ પર પાર્ક કરેલ બે ખાતર ભરેલ ટ્રકના પાછળના વ્હિલ એકાએક કાંસમા ઉતરી ગયા હતા. કાંસ બેસી જતાં આ દુર્ઘટના સર્જાઈ હતી. રાતનો સમય હોવાથી અહીયા કોઈ જાનહાનિ સર્જાઈ નહોતી. પાલિકા તંત્ર એ અહીંયા કાંસ પર આવેલી દુકાનો તો હટાવી દીધી
પરંતુ કાંસ અમૂક જગ્યાએ ખુલ્લો કર્યો તો અમુક જગ્યાએ આ કાસ પરનો સ્લેબ એમનો એમ રહેવા દીધો હતો. જેના કારણે લોકો અહીંયા વાહનો પાર્ક કરતાં હતાં.

નરેશ ગનવાણી : નડિયાદ