ખેડા જિલ્લાના અમદાવાદ-વડોદરા એક્સપ્રેસ હાઇવે મહેમદાવાદ પાસેથી પસાર થતાં આ હાઈવે પર ટ્રેલર પાછળ કાર ઘૂસી જતાં એકનું મોત નિપજ્યું છે. જ્યારે એકને ઈજાઓ પહોંચી છે. આ બનાવ મામલે મહેમદાવાદ પોલીસમાં ફરિયાદ નોંધાઈ જવા પામી છે.
મહેમદાવાદ તાલુકાના માકવા ગામની સીમમાંથી પસાર થતાં અમદાવાદ-વડોદરા એક્સપ્રેસ હાઇવે પર ગઇકાલે વહેલી સવારના રોજ અમદાવાદ તરફ જઈ રહેલ પાઈપ ભરેલ ટ્રેલર પાછળ પુરપાટે આવેલ ગાડી જોરદાર અથડાઈ હતી. આ અકસ્માતમાં ટ્રેલર અને ગાડીને નુકસાન થયું હતું. જ્યારે ગાડીના ચાલકને ઈજઓ પહોંચી હતી અને આ ગાડીના બાજુની સીટ પર બેઠેલા વ્યક્તિને ગંભીર ઈજાઓ થતાં તેનું કરુણ મોત નિપજ્યું છે. આ બનાવ
મામલે ટ્રેલરના ચાલક હરદેવસિંહ લખવન્દરસિહ શેખે ઉપરોક્ત ગાડી ચાલક સામે મહેમદાવાદ પોલીસમા ફરિયાદ નોંધાવી છે. પોલીસે ગુનો નોંધી કાયદેસરની કાર્યવાહી હાથ ધરી છે.
નરેશ ગનવાણી : નડિયાદ
