ડાકોરમાં ગોમતી ઘાટ પર મઢૂલીના છતનો ભાગ પડી જતાં ભાગદોડ મચી. 

યાત્રાધામ ડાકોરમાં આજે ગોમતી ઘાટ પર બનાવમાં આવેલ મઢૂલીના છતનો અમૂક ભાગ ધરાશાઈ થયો હતો. આ ઘટનામાં મઢૂલી નીચે કોઈ ન હોય જાનહાનિ ટળી હતી.

ખેડા જીલ્લાના સુપ્રસિદ્ધ યાત્રાધામ ડાકોરમાં ગોમતી ઘાટ ઉપર મઢૂલીઓ બનાવમાં આવી હતી. આજે વહેલી સવારે મઢૂલી ઉપરનો અમૂક ભાગ એકદમ પડી જતા ભારે અફડાતફડી મચી ગઇ હતી. જોકે સવારનો સમય હોય ઓછી ચહલપહલના કારણે આ ઘટનામાં કોઈ જાનહાનિ સર્જાઈ નહોતી. આ ઉપરાંત મઢુલી નીચે કોઈ વ્યક્તિ નહોવાને કારણે જાનહાનિ ટળી હતી. આ ઘટના જો રવિવારે ઘટી હોત તો જાનહાનિ સર્જાત દર રવિવારે શ્રધ્ધાળુઓનો ભારે ઘસારો હોવાથી ચોક્કસથી જાનહાનિ સર્જાત. એક બાદ એક મઢુલીઓ તૂટી રહી છે છતાં કોઈ સમારકામ નહી કરવામાં આવતાં શ્રદ્ધાળુઓમાં ભારે રોષ જોવા મળ્યો છે.

નરેશ ગનવાણી : નડિયાદ