નર્મદા જીલ્લાના ગરૂડેશ્વર ખાતે આજે વિધાનસભામાં પસાર થયેલા કેવડીયા કોલોની સ્ટેચ્યુ ઓફ યુનિટી વિસ્તારને લઈને કાયદાને પગલે આજે આજુબાજુના ગ્રામજનો દ્વારા આજરોજ વિરોધ કરવામાં આવ્યો હતો.

નર્મદા જીલ્લાના કેવડિયા ખાતે આવેલી સ્ટેચ્યુ ઓફ યુનિટીમાં નવનિર્માણ થવાના કારણે હાલ આદિવાસી વિસ્તારના ગામોની જમીનોને સરકાર દ્વારા એકવાયર કરવામાં આવી રહી છે જેમાં એ હાલ ગુજરાત રાજ્ય સરકાર દ્વારા સ્ટેચ્યુ ઓફ યુનિટીને માટે એક વિશેષ કાયદો પસાર કરવામાં આવ્યો છે. આ મામલે કેવડિયા ગામના લોકોએ ભેગા થઈ ભજન કીર્તન કર્યું હતું અને ભવ્ય રેલી કાઢી હતી. આ રેલી નર્મદા નદીના કિનારે પહોંચી હતી જ્યાં તેમણે આ કાયદાનો વિરોધ કરવાની સફર લીધી હતી. તેમજ જે કાયદો પસાર કરવામાં આવ્યો છે તેની કોપી નર્મદા નદીમાં વિસર્જન કરી આ કાર્યક્રમમાં પોતાનો ઉગ્ર વિરોધ નોંધાવ્યો હતો. આગામી દિવસોમાં તમામ ગામના લોકો વિરોધ કરતો કાર્યક્રમ કરશે અને ઉગ્ર કાર્યક્રમ કરશે તેવી ચીમકી ઉચ્ચારી હતી.

ગૌતમ વ્યાસ : કેવડીયા