પંચમહાલ જીલ્લાના શહેરા તાલુકાના જોધપુર ગામે ખેતરમા ઉગાડવામા આવેલા ગાંજાના જથ્થા સાથે એક ઇસમની એસઓજી પોલીસની ટીમે બાતમીના આધારે અટકાયત કરીને ૬,૪૯,૭૦૦ લાખ રૂપિયાનો મુદામાલ ઝડપી પાડી કાયદેસરની કાર્યવાહી હાથધરી છે.
પંચમહાલ જીલ્લા એસઓજી પોલીસને બાતમી મળી હતી કે શહેરા તાલુકાના જોધપુર ગામે રહેતા રમેશભાઈ અમલાભાઈ ખાંટે પોતાના ખેતરમાં ગાંજાનુ વાવેતર કર્યુ છે. આથી પીઆઈ એમ.પી. પંડ્યા સહિતના સ્ટાફે જોધપુર ગામે રેડ કરી હતી. જેમા પોલીસે ખેતરમા જઈ તપાસ કરતા અલગ અલગ ગાંજાના છોડ મળી આવ્યા હતા. પોલીસે આ મામલે આરોપી ઇસમ રમેશ ખાંટને ઝડપી પાડી કાયદેસરની કાર્યવાહી હાથ ધરી છે. પોલીસે સાથે સાથે ૩૫ જેટલા છોડ મળી ૬,૪૯,૭૦૦ લાખ રૂપિયાનો મુદ્દામાલ જપ્ત કરીને કાયદેસરની કાર્યવાહી હાથ ધરી છે.
પંચમહાલ રાજુ સોલંકી
Advertisement
