વિજયસિંહ સોલંકી, શહેરા.
શહેરા તાલુકા કોંગ્રેસ સમિતી દ્રારા કેન્ડલ માર્ચનુ આયોજન કરવામા આવ્યું હતું.
જેમા કોંગ્રેસના અગ્રણીઓ હિન્દુ મુસ્લિમ સમાજના અગ્રણીઓ યુવાનો મોટી સંખ્યામાં જોડાયા હતા, દેશમા બની રહેલી દીકરીઓ ઉપર દૂષ્કર્મની ઘટનાઓ સામે નરાધમોને ફાંસીની સજા થાય તેવી ઉગ્ર માંગ કરી હતી.
પ્રાપ્ત વિગતો અનુસાર દેશમાં દીકરીઓ પર વધી રહેલા અત્યાચાર સામે શહેરા નગર માં કોંગ્રેસ સમિતી દ્રારા કેન્ડલ માર્ચ રેલીનુ આયોજન મૂખ્ય માર્ગ પર કરવામા આવ્યુ હતુ. જેમા કોંગ્રેસના અગ્રણીઓ તખતસિંહ સોલંકી સહિત હિન્દુ તેમજ મૂસ્લિમ સમાજ પણ જોડાયો હતો અને આક્રોશ વ્યક્ત કર્યો છે.દેશના રાજ્યોમાં માસુમ બાળકીઓ સાથે બનતી દુષ્કર્મની ઘટના સામે રોષ વ્યક્ત કર્યો હતો. ” દિકરી ૮વર્ષની હોય કે ૧૮વર્ષની દિકરી હિન્દુ ની હોય કે મૂસલમાનની
દીકરી કઠુઆ,ઉન્નાવ કે હોય સુરતની આશિફા હોય કે અનિતા ના તોલશો ધર્મના તરાજુથી
રેપીસ્ટને સજા આપો ફાંસીની” જેવા લખાણો વાળા બેનરો દર્શાવી વિરોધ કરવામા આવ્યોહતો. દુષ્કર્મી નરાધમો ને ફાંસી સજા થાય તેવી માંગ કરવામાં આવી હતી .ભોગ બની મૃત્યુ પામેલી બાળાઓને આત્માની શાંતી માટે પ્રાર્થના કરી હતી.
