રાજકોટ મહાનગરપાલિકાની 80 ટકા કામગીરી ઓનલાઇન થાય છે વેરા ભરવાથી માંડી વોલ્વો બુકીંગ તેમજ બસની ટિકિટ અને ટ્રાફિક સિગ્નલ પર ઓટોમેટીક છે. આ કારણે સેવાનો ઉપયોગ દિનપ્રતિદિન વધે છે તેવામાં પ્રથમ વખત મનપાનો સર્વર જામ થતાં એક કલાક સેવાઓ ઠપ્પ રહી હતી અને બાદમાં કામગીરી પૂર્વવત થઇ હતી.
મનપાના અધિકારીઓએ જણાવ્યું હતું કે ઓનલાઇન કામગીરી માટે મનપા પાસે ચાર સર્વર છે. આ ચારેય સર્વર લોડ બેલેન્સિગ કરે છે એટલે કેસે વાપરનારાઓની સંખ્યા વધે એટલે જે સર્વરમાં ઓછા યુઝર હોય ત્યાંથી કામ કરાય છે આ રીતે ચારેય સર્વર ઓટોમેટીક એકબીજા પરથી કામના ભારણની લેવડદેવડ કરે એટલા માટે જ હજારો મિલકત ધારકો વેરો ઓનલાઇન ભરી શક્યા હતા પણ આ લોડ બેલેન્સિગ સિસ્ટમ ગુરુવારે બંધ થઈ હતી આ કારણે તમામ યુઝરનું પારણ એક જ સર્વર પર આવતા તે સર્વર ઠપ્પ થયું હતું. જેની જાણ થતાં કોમ્પ્યુટર વિભાગે શહેરના સિવિક પેટર્ન આ કામને અલગ સર્વર પર શિફ્ટ કરી કામગીરી ચાલુ કરાવી હતી અને બાદમાં ફરીથી લોડ બેલેન્સિગ શરૂ કરવા પ્રયત્ન કર્યો હતો અને બાદમાં મામલો થાળે પડ્યો હતો.
