રાજપીપળા ખાતે આવેલ મામલતદાર કચેરીમાં નાંદોદ તાલુકાના ધારીખેડાની મહિલા તલાટી મનિષાબેન બળદેવભાઈ રાવત રૂ. એક હજાર રૂપિયાની લાંચ લેતા એસીબીના છટકામાં રંગે હાથે ઝડપાઇ જતા ચકચાર મચી જવા પામી હતી.
પ્રાપ્ત માહિતી અનુસાર રાજપીપલા ખાતે આવેલ મામલતદાર કચેરીમાં ફરિયાદીના સાત બાર અને આઠ અ માંથી નામ કમી કરવાનું કામકાજ માટે આ મહિલા તલાટીનો સંપર્ક કર્યો હતો. જેમાં મહિલા તલાટીએ રૂપિયા 1000 ની માંગણી કરી હતી. ફરિયાદીએ એસીબી નર્મદાને લાંચ અંગેની ફરિયાદ કરી હતી. જે અનુસંધાને એસીબી નર્મદાએ છટકું ગોઠવીને મહિલા તલાટીને 1000 રૂપિયા લાંચ લેતા રંગે હાથે ઝડપી પાડયા હતા. તેમની સામે કાયદેસરની કાર્યવાહી કરી હતી. એક મહિલા તલાટી દ્વારા લાંચ ઘટનાથી મામલતદાર કચેરીમાં સન્નાટો છવાઈ ગયો હતો.
Advertisement
જ્યોતિ જગતાપ, રાજપીપલા
