રાજપીપળા નગરપાલિકાને રાજ્ય સરકાર દ્વારા ફાયર માટે નાની ગાડી મળતા ખુબ જ ફાયદાકારક.

રાજપીપળા શહેરમાં કે આસપાસના ગ્રામ્ય વિસ્તારોમાં જ્યારે આગની ઘટના બને ત્યારે રાજપીપળા નગરપાલિકાની ફાયર ટીમ તાત્કાલિક ઘટના સ્થળે પહોંચી વળવા સક્ષમ છે અને વારંવાર આવી આગની ઘટનામાં સારી સફળતા મેળવી પણ છે

પરંતુ શહેરની સાંકડી ગલીઓમાં જ્યારે આગની ઘટના બને ત્યારે રાજપીપળા નગરપાલિકા પાસે આગ માટેના વાહનો મોટા હોવાથી નાની ગલીની બહાર ફાયર ફાઈટર ઉભા રાખી પાણીની પાઇપ લંબાવ્યા બાદ ફાયર ફાઈટરો આગ પર કાબુ મેળવવા પ્રયાસ કરતા હતા જેમાં સમય બગડતા ક્યારેક મોટું નુકસાન પણ થાય એમ હોય રાજપીપળા શહેરની ભૌગોલિક પરિસ્થિતિને ધ્યાને લઈ સરકારે હાલ ફાયરની એક નાની ગાડી આપી જે આ શહેર સહિત આસપાસના ગામડાઓમાં આગની ઘટના માટે ખુબ જ ફાયદાકારક સાબિત થશે. આ બાબતે રાજપીપળા નગરપાલિકાના વાહન સુપરવાઈઝર ફરીદભાઈ રાઠોડએ જણાવ્યું કે ગાંધીનગર સરકારમાંથી રાજપીપળા નગરપાલિકા તથા અન્ય નગરપાલિકામાં આવા નાના ફાયર માટેના વાહનો હાલમાં અપાયા છે જે સિલિન્ડર સાથે આપ્યા છે માટે નાની ગલીઓમાં કે ગામડાઓમાં જો આગની ઘટના બને તો આ વાહનો ખૂબ લાભકારક સાબિત થશે.

રિપોર્ટર.આરીફ જી કુરેશી રાજપીપળા નર્મદા જિલ્લા.