ભારતમાં અનેક પરંપરાઓ સંસ્કૃતિ સાથે જીવન જીવવાની વિશિષ્ટ પદ્ધતિ જે આ પરંપરા ઓ ના કારણે જ ભરપૂર આનંદથી જીવન જીવવાની કળાની અનુભૂતિ થાય છે એટલે જ ભારતમાં સાંસ્કૃતિક વૈચારિકતાના કારણે દેશનો ડંકો વિશ્વમાં વાગી રહ્યો છે તે જ રીતે આવા કાર્યક્રમને આગળ ધપાવતા હોય સુરત જિલ્લાના અમરોલી માં મેલડી માતાજીનો પાટોત્સવની ભવ્ય તૈયારીઓ ચાલી રહેલ છે.
માનો દરબાર હરખનું તેડુંના દિવ્ય આમંત્રણ સાથે જય માતાજી ચેરીટેબલ ટ્રસ્ટના માનો દરબાર સેવા મંડળના વિશાળ ભક્તો દિવ્ય આયોજનમાં શિસ્ત બંધ શોભાયાત્રા સાથે મહાપ્રસાદ સુપ્રસિદ્ધ ગાયક અને ગાયિકાઓ ભક્તિના રંગે રંગવા પોતાના દિવ્ય વાણીથી માતાજીના ભજનોની રમઝટ બોલાવવાના છે.
ચારેકોર દિવ્યભક્તિનું વાતાવરણ સર્જાવાની પૂર્વ તૈયારી રૂપે તડામાર તૈયારીઓ ચાલી રહેલ છે. તારીખ ૧૯/૮/૨૦૨૨ ના રોજ મેલડી માતાજીનો સાતમો પાટોત્સવ ઉજવવાના છે આ ભવ્ય કાર્યક્રમમાં મહાપ્રસાદ સહિત મોટી સંખ્યામાં એકસરખા વસ્ત્રોથી સુશોભિત આ કાર્યક્રમમાં હાજરી આપવાના છે. વિશાળ ભક્તો દિવ્ય વાણીરૂપી કલાકારો સહિત સંતો મહંતો અને અનેક મહાનુભાવો આ કાર્યક્રમમાં ઉપસ્થિત રહેવાના છે.
જય માતાજી ચેરીટેબલ ટ્રસ્ટ દ્વારા અમરોલીના આ દિવ્ય મંદિરનો પાટોત્સવ દિન દુખિયાનો આધાર બની રહ્યું છે. મોટી સંખ્યામાં લોકો દર્શનાર્થે આવી માના ચરણોમાં શીશ ઝુકાવે છે અને માનતાઓ માનતા હોય છે ત્યારે આ કાર્યક્રમમાં બહોળી સંખ્યામાં લાભ લેવા જાહેર આમંત્રણ આપવામાં આવેલ છે.
વિનોદ મૈસુરિયા : વાંકલ
