ઉમરપાડા તાલુકાના વાડી ગામના ત્રણ રસ્તા પાસેથી પેરોલ ફર્લો સ્કોડે શરીર સંબંધી ગુનામાં 11 માસથી નાસતા ફરતા આરોપીને ઝડપી પાડ્યો હતો.
રાણીકુંડ ગામના આશિષ આકાભાઈ ચૌધરીએ સગીર વયની બાળાને લગ્નની લાલચ આપી શરીર સંબંધ બાંધી ગર્ભવતી બનાવતા આરોપી વિરુદ્ધ ઉંમરપાડા પોલીસ સ્ટેશનમાં ગુનો નોંધાયો હતો ઉચ્ચ પોલીસ અધિકારીઓ દ્વારા શરીર સંબંધી ગુના નાસતા ફરતા આરોપીને શોધી કાઢવાની સૂચના આપવામાં આવતા પેરોલ ફર્લો શાખાના પીઆઈ એ ડી ચાવડા અને બી ડી શાહના માર્ગદર્શન હેઠળ પોલીસ કર્મચારીઓની ટીમે કામગીરી શરૂ કરી હતી આ દરમિયાન પેટ્રોલિંગમાં નીકળેલા હેડ કોન્સ્ટેબલ યોગેશભાઈ શ્રવણભાઈ અને હેડ કોન્સ્ટેબલ રાજેશભાઈ બળદેવભાઈને સંયુક્ત બાતમી મળી હતી કે શરીર સંબંધી ગુનામાં સંડોવાયેલ રાણીકુંડ ગામનો આશિષ ચૌધરી વાડી ગામના ત્રણ રસ્તા પાસે ઉભો છે જેને આધારે ઉપરોક્ત સ્થળે રેડ કરાતા આરોપી ઝડપાઈ ગયો હતો.
વિનોદ મૈસુરિયા : વાંકલ
