સુરત પુણા વિસ્તારમાંથી બે કરોડની નકલી નોટ સાથે ચાર ઝડપાયા

અસલી નોટ બતાવી ડુપ્લિકેટ નોટ પકડાવીને ઠગાઈ કરતા ઠગાઈનો કોઈ ભોગ બને તે અગાઉ પોલીસે ઠગોને ઝડપ્યાં.
સુરતઃપુણા ગામ વિસ્તારમાંથી પોલીસે ચાર ઠગોને ઝડપીને તેમની પાસેથી બે કરોડની ડુપ્લિકેટ નોટ કબ્જે કરી હતી. પકડાયેલા ઠગો અસલી નોટ બતાવીને નકલી નોટના બંડલ પકડાવી દઈ ઠગાઈ કરે તે અગાઉ જ પોલીસે ચારેયને ઝડપી લઈને વધુ તપાસ હાથ ધરી છે.ચિલ્ડ્રન બેંકની નોટોનો ઉપયોગ કરતાં પકડાયેલા ચાર ઠગો નોટોના બંડરના ઉપરના ભાગે અસલી અને નીચેના ભાગે ચિલ્ડ્રન બેંકની નોટો મુકી દેતા જેથી રૂપિયાનું બંડલ અકબંધ લાગે. આ રીતે ઠગાઈ કરતાં અને મુંબઈથી આવતાં ચાર ઠગોને પુણા પોલીસે ઝડપી લીધા હતાં. પુણા પોલીસે આશરે બે કરોડની નકલી અને 38 હજારની અસલી નોટ સાથે ચાર આરોપીને ઝડપી પાડ્યાં હતાં. એક જ મોડસ ઓપરેન્ડીથી ઠગાઈ કરતાં આરોપીને ઝડપી પાડ્યાં હતાં.