લીંબાયત પોલીસ દ્વારા જપ્ત કરાયેલ વાહનોના ગોડાઉનમાં આગ લાગતા નાસભાગની સ્થિતિ સર્જાઈ હતી. આગમાં છ જેટલા બાઇક બળીને ખાખ થઈ ગઈ.ઘટનાની જાણકારી મળતા સુરત ફાયર વિભાગનો કાફલો ઘટના પહોંચી સમય સૂચકતા વાપરી આગ ઓલવી કાઢી હતી જેથી અન્ય વાહનો આગની ઝપેટમાં આવતા બચી ગયા હતા. આગ ક્યા કારણોસર લાગી તેની તપાસ પોલીસે શરૂ કરી દીધી છે.
લીંબાયતના લાલ બિલ્ડીંગ ખાતે આવેલ લીંબાયત પોલીસના વાહન ગોડાઉનમાં પોલીસ દ્વારા અલગ અલગ ગુનામાં જપ્ત કરવામાં આવેલ વાહનોમાં અચાનક આગ લાગી હતી. લિંબાયત વિસ્તારમાં આવેલા મારૂતિનગર ખાતે પોલીસનું ગોડાઉનમાં આગ લાગતા નાસભાગની સ્થિતિ સર્જાઈ હતી. આજે વહેલી સવારે અચાનક ગોડાઉનમાં આગ ફાટી નીકળતા ફાયર વિભાગ ઘટના સ્થળે દોડી આવ્યું હતું અને આગ પર કાબુ મેળવી લીધો હતો. જોકે, આગના પગલે 6 જેટલી બાઈક બળીને ખાખ થઈ ગઈ હતી. આગના પગલે સ્થાનિકો પણ ભયભીત થઈ ગયા હતા
સુરત લીંબાયત પોલીસ દ્વારા જપ્ત કરાયેલ વાહનોના ગોડાઉનમાં લાગી આગ.
Advertisement
