સુરત : શહેરના ઈતિહાસને બચાવવા માટે સુરત મહાનગર પાલિકા સુરત લગભગ 2900 થી વધુ ઘરોને હેરીટેજ ઘોષિત કરવાની તૈયારી કરી રહી છે.

સુરત શહેરના ઈતિહાસને બચાવવા માટે સુરત મહાનગર પાલિકા સુરત લગભગ 2900 થી વધુ ઘરોને હેરીટેજ ઘોષિત કરવાની તૈયારી કરી રહી છે. 2008-2009થી મનપા સેન્ટ્રલ અને રાંદેર ઝોનનો સર્વે કરી રહી હતી. જેમાં 100 થી 200 વર્ષ જુના ઘરોનો સમાવેશ કરવામાં આવ્યો છે.
ગુજરાતનું અભિન્ન અંગ એવા સુરતના ઐતિહાસિક વારસાને સાચવી રાખવા માટે સુરત મહાનગર પાલિકા દ્વારા 2008-2009 થી સર્વે કરવામાં આવી રહ્યો હતો. જેમાં સેન્ટ્રલ ઝોન અને રાંદેર ઝોનના જુના મકાનોનો સર્વે કરાયો હતો. પાંચ હજાર થી પણ વધુ જુના ઘરોનો સર્વે કરાયા બાદ તેમાંથી 2900 થી પણ વધુ ઘરોની પસંદગી કરવામાં આવી છે. જેમાં રાંદેરમાં 537 મકાનો રાંદેર ઝોનના અને બાકીના સેન્ટ્રલ ઝોનના છે. સર્વેમાં રાંદેર સિવાય સગ્રામપુરા, સલાબતપુરા, બેગમપુરા, નાનપુરા, મહિધરપુરા, રામપુરા, ગોપીપુરા, વાડી ફળિયા, સોનીફળિયા, સૈયદપુરા, હરિપુરા સામેલ છે. મનપા દ્વારા આ ઘરો ને બે વિભાગોમાં વિભાજીત કરવામાં આવ્યા છે રાંદેર ઝોન અને સેન્ટ્રલ ઝોન. જેમાં રાંદેર ઝોનના મકાનોના નકશીકામ અદ્ભૂત છે. આ પોતાના મકાનોમાં સિમેન્ટ અને પથ્થરોનો ઉપયોગ કરવામાં આવ્યો છે જ્યારે સેન્ટ્રલ ઝોનના ઘરોમાં લાકડાનો ઉપયોગ વધુ કરવામાં આવ્યો છે.
મનપાના હેરીટેજ વિભાગના પ્રમુખ સી.વાય.ભટ્ટએ જણાવ્યું હતું કે મનપા દ્વારા જે ઘરોને હેરીટેજ ઘોષિત કરાશે તે ઘરોમાં બદલાવ કરવા માટે ઘર માલિકોએ મનપાની પરવાનગી કરવી પડશે. જો મકાન જર્જરિત થશે તો તેને સરખું કરવા માટે મનપાની કોર કમિટીની પરવાનગી ઘર માલિકે લેવી પડશે. એમાં પણ ઘરની અંદરની જ બદલાવ થઈ શકશે. જો માલિક બદલાવ કરવા માટે અસક્ષમ હશે તો ઘર કોઈ બીજી વ્યક્તિને આપવામાં આવશે. મનપા પણ તેને લઈને જીણોધ્ધાર કરી શકશે.
સી.વાય.ભટ્ટએ વધુ માં જણાવ્યું હતું કે શહેરના ઈતિહાસને બચાવવા માટે મનપા આ નિયમ લાવવાની તૈયારી કરી રહી છે. જેમાં સંપત્તિના માલિકોને કયા પ્રકારની આર્થિક સહાયતા કરવામાં આવશે તેને માટે કાયદા બનાવવામાં આવ્યા છે. તમામ મકાનો મેન્ટેન્ટ કરવા માટે હેરિટેજ કમિટી બનાવવામાં આવશે.