સુરતનાં મોટા વરાછા વિસ્તારમાં શિયાળાની બરાબર જમાવટ થતાં તસ્કરો સક્રિય બન્યા છે અને એક બાદ એક ચોરીની વારદાતને અંજામ આપી રહયા છે.

સુરતના વરાછા વિસ્તારમાં આવેલી એક દુકાનનું શટર ઉંચુ કરી બે તસ્કરો ચોરીનો નિષ્ફળ પ્રયાસ કર્યો હતો. જોકે બંને તસ્કરોની તમામ હરકત સિસીટીવી કેમેરામાં કેદ થઈ જવા પામી હતી.
બંને તસ્કરોએ સિસીટીવીની નજરથી બચવા મોઢા ઉપર સાંતાનો માસ્ક પહેરી શટર તોડવાની કોશીશ કરી હતી. આ બંને તસ્કરોએ મોટા વરાછા વિસ્તારમાં આવેલી એક બેકરીની દુકાનનું શટર તોડવાનો પ્રયત્ન કર્યો હતો.
આગામી દિવસમાં ક્રિસમસ પર્વ આવી રહ્યો હોય તસ્કરો પણ સાંતાનો માસ્ક પહેરી જાણે ચોરીની બોણી કરવા આવ્યા હોય તેવી પ્રતીતિ આ ધટના ઉપરથી થઈ આવતી હતી.