સુરતના રાંદેર વિસ્તારમાં પિતા દ્વારા મોપેડ નહીં ચલાવવા માટે પુત્રીને કહ્યું હતું પરંતુ મોપેડ ચલાવતા પિતાને ગુસ્સો આવતા જાહેર રસ્તા ઉપર જ મોપેડ સળગાવી નાખતા લોકો આશ્ચર્યચકિત થઈ ગયા હતા.

સુરતના રાંદેર વિસ્તારમાં ગુસ્સે ભરાયેલા પિતાએ જાહેર રસ્તા ઉપર જ પુત્રીની મોપેડ સળગાવી નાંખી હોવાનો કિસ્સો સમી સાંજે બન્યો હતો. પિતા દ્વારા પોતાની પુત્રીને મોપેડ નહી ચલાવવા માટે સુચના આપવામાં આવી હતી તેમ છતાં પુત્રી દ્વારા મોપેડ લઇને રાંદેર વિસ્તારમાં ફરવા નીકળતા પિતાને જાણ થતાં પિતા રોષે ભરાયા હતા અને રસ્તા ઉપર મોપેડ સળગાવી નાખ્યું હતું. જેને પગલે લોકટોળા ઉમટી પડ્યા હતા. આવા નજીવા કારણોસર મોપેડ સળગાવી દેવામાં આવ્યું હોવાની જાણ થતાં લોકો આશ્ચર્યચકિત થઈ ગયા હતા.