સુરત ક્રાઇમ બ્રાન્ચ પોલીસે સુરત અને તેની આસપાસના વિસ્તારોમાં સંખ્યાબંધ મોબાઈલ સ્નેચિંગ સહીતનાં ગુનામાં સંડોવાયેલ બે આરોપી ઉપરાંત ચોરીના મોબાઈલ વેચવામાં મદદગારી કરનાર આરોપીને ઝડપી જેલ ભેગા કર્યા હતા. સુરત ક્રાઇમ બ્રાન્ચની ટુકડીએ બાતમીના આધારે મોટરસાયકલ ઉપર ફરી રાહદારીઓનાં મોબાઈલ ખૂંચવી ફરાર થઇ જવાના અનેક ગુનામાં સંડોવાયેલ બે આરોપીઓ અસ્પાક મુસ્તાક શા ફકીર તેમજ વકીલ અહેમદ અન્સારી બંને રહે.લીંબાયત, સુરતની અટકાયત કરી સધન પૂછપરછ કરતા બંનેએ સુરતના ઉધના ખટોદરા, લીંબાયત, સલાબતપુરા તેમજ ડુમ્મસ વિસ્તારોમાં 12 જેટલા મોબાઈલ સ્નેચિંગ કરી ફરાર થઈ ગયા હોવાની કબૂલાત કરી હતી. તેઓ આ ચોરી કરેલ મોબાઈલ સર્વેશ રાજેશ ચોરસીયા રહે.પરબત પાટિયા, સુરતને વેચવા આપ્યા હોવાનું જણાવતા પોલીસે સર્વેશ ચોરસિયાની પણ અટકાયત કરી હતી.
Advertisement
