સુરત કોરોના વાયરસને લઈ હીરા કારખાનામાં કામ કરતા કારીગરોને એક મહિનાની રજા જાહેર કરવા ડાયમંડ વર્કર યુનિયને કલેકટરને આવેદનપત્ર પાઠવ્યું હતું.

દુનિયાભરમાં કોરોના વાઈરસને લઈને કટોકટી સર્જાઇ છે.શાળા, કોલેજ, મોલને સરકારે 31 માર્ચ સુધી બંધ રાખવા જાહેરનામુ બહાર પડાયુ છે. કોરોનાને કારણે કેટલાક મોત થયા છે. આ ગંભીર વાયરસને લઈ સુરત હીરા કારખાનામાં કામ કરતા કર્મચારીઓ સાથે બેસીને કામ કરતા હોય છે. જેથી આ ગંભીર મહામારીનો ભય રહે છે માટે ડાયમંડ વર્કર યુનિયનના નેજા હેઠળ સુરત જિલ્લા કલેકટરમાં આવેદનપત્ર આપી હીરા કારખાનામાં એક મહિનાનું વેકેશન અને એક મહિનાનો પગાર આપવા રજુઆત કરી હતી.