કામરેજ તાલુકાનાં કઠોર ગામે આવેલી સિવિલ કોર્ટમાં રજિસ્ટાર તરીકે ફરજ બજાવતા રાજુભાઈ. કે. પરમારે 80 વાર રક્તદાન કરીને માનવતા મહેકાવી છે. 2/4/1989 માં સૌ પ્રથમવાર રક્તદાન કર્યું હતું. ત્યારબાદ અવિરતપણે રક્તદાન કાર્ય કરવાનું બીડું ઝડપ્યું છે. તેઓ રક્તદાન કરવા હમેશા તત્પર રહેતા હોય છે. હિન્દૂ ધર્મના નવા વર્ષ, રક્ષાબંધન તેમજ વેલેન્ટાઇન ડે હોય કે મેરેજ એનિવર્સરી, વર્ષગાંઠ, સ્વતંત્રપર્વ અને રામનવમીનાં પવિત્ર તહેવારો અનોખી રીતે ઉજવણી રક્તદાન કરીને કરે છે. તે બદલ સુરત રક્તદાન કેન્દ્ર પી. આર. ઓ. નિતેશભાઈના વરદ હસ્તે પ્રમાણપત્ર એનાયત કરવામાં આવ્યું હતું.
Advertisement
