સુરતનાં ઉધનામાં મકાનનો સ્લેબ ધરાશાયી થતાં બે નાં મોત.

સુરતનાં ઉધના વિસ્તારમાં રાત્રિનાં સમયે અચાનક જ મકાનનો સ્લેબ ધરાશાયી થતાં એક પરિવારનાં ચાર લોકો કાટમાળ નીચે દબાયા હોવાની વિગતો સામે આવી છે.

આ બનાવની મળતી વિગતો અનુસાર સુરતનાં ઉધના વિસ્તારમાં અરબ નગરમાં એક મકાનનો સ્લેબ અચાનક જ ધરાશાયી થતાં બાળકો કાટમાળ નીચે ફસાઈ જતાં મોત થયું હોવાની વિગતો સાંપડી છે. આ મકાનમાં એક જ પરિવારના ચાર વ્યક્તિઓ કાટમાળમાં દટાયા પરંતુ માતા-પિતા પલંગ ઉપર સૂતેલા હોવાથી તેમનો બચાવ થયો હતો. તમામ બનાવની જાણ થતા ફાયર વિભાગ તાત્કાલિક ઘટનાસ્થળે પહોંચ્યો હતો અને રેસ્ક્યુ કરી કાટમાળમાં દટાઈ ગયેલ લોકોને બહાર કાઢી તાત્કાલિક સુરતની હોસ્પિટલમાં ખસેડવામાં આવ્યા હતા જેમાં બે બાળકોનું કાટમાળમાં દટાઈ જવાથી મોત થયાની વિગતો ફાયર સ્ટાફે આપી હતી.