સુરતના રેલવે સ્ટેશન વિસ્તારમાં આવેલા સિમેન્ટના ગોડાઉનમાંથી હત્યા કરી સંતાડી દેવાયેલો મૃતદેહ મળી આવતાં પોલીસ દોડતી થઈ ગઈ છે. યુવાનની ગળા પર કપડું વીંટાળીને હત્યા કરવામાં આવી હોવાની શક્યતા છે. પોલીસે મરનારની ઓળખ અને હત્યા પાછળનાં કારણો જાણવા ઇન્ફોર્મરોને કામે લગાડ્યા હોવાનું જાણવા મળી રહ્યું છે.
પોલીસે એફએસએલ અને ડોગ-સ્કવોડની મદદથી આરોપીને શોધવાની તજવીજ પણ હાથ ધરી હોવાનું સામે આવ્યું છે. હાલ સૂત્રોના જણાવ્યા અનુસાર, મૃતકની હત્યા બાદ લાશને સગેવગે કરવાના ઇરાદે સરકારી સિમેન્ટના ગોડાઉનમાં સિમેન્ટની ગૂણોની વચ્ચે સંતાડી દેવાઈ હોવાનું અનુમાન છે.
Advertisement
એટલું જ નહીં, પણ મરનાર મજૂર હોવાની શક્યતા દેખાય રહી છે. જોકે પોલીસનું માનવું છે કે મરનારની કેટલીક કડીઓ મળી ગઈ છે એટલે તેની ઓળખ થયા બાદ લગભગ હત્યાનો ગુનો ડિટેક્ટ કરવામાં સરળતા રહેશે.
જયદીપ રાઠોડ : સુરત
