સુરેન્દ્રનગર : લખતર જય ભીમ યુવા ગ્રુપ દ્વારા પોલીસની ભરતીમાં સંવિધાનિક અનામત બેઠકો અંગે થયેલ અન્યાય અંગે મામલતદારને આવેદનપત્ર અપાયું.

પોલીસ સબ ઇન્સ્પેક્ટર બોર્ડ ૨૦૨૧ દ્વારા તાજેતરમાં ગુજરાત પોલીસ દળ વર્ગ -૩ PSI સંવર્ગની જગ્યાઓમાં સીધી ભરતી જાહેર કરવામાં આવી છે. આ ભરતીની જગ્યાઓમાં સંવિધાનિક અનામતની જગ્યાઓ પરિપૂર્ણ કરવા ભારતીય વિધાર્થી મોર્ચાના નેજા હેઠળ જય ભીમ યુવા ગ્રુપ દ્વારા લખતર મામલતદારને એક આવેદનપત્ર આપવામાં આવ્યું હતું અને અનુ.જાતિ, અનુ.જનજાતિ તથા બેઠકો ઓછી ફાળવતાં અન્યાય થતો હોવાનું જણાવી તાત્કાલિક અસરથી યોગ્ય કાર્યવાહી કરવામાં નહિ આવે તો આંદોલનની ચીમકી ઉચ્ચારી હતી.

આવેદનપત્રમાં જણાવ્યા મુજબ SC ની બેઠકમાં ૯૭ બેઠકની જગ્યાએ ૭૧ બેઠકો, ST ની બેઠકમાં ૨૦૭ બેઠકની જગ્યાએ ૨૦૨ તથા OBC ની બેઠકમાં ૩૭૩ બેઠકની જગ્યાએ ૩૪૦ જ બેઠકો ફાળવી આ બોર્ડ દ્વારા હળહળતો અન્યાય કરવામાં આવતો હોવાનું જણાવ્યું છે.

કલ્પેશ વાઢેર સુરેન્દ્રનગર