લીંબડી અમદાવાદ હાઈવે પર પાણશીણાના પાટીયા પાસે બે યુવાનો બાઈક લઈને જઈ રહ્યા હતા ત્યારે લકઝરીની અડફેટે આવતા અકસ્માત સર્જાયો હતો, જેમાં બન્નેના મોત નિપજયા હતાં.
મળતી માહિતી મુજબ બાઈક સવાર બન્ને યુવાનો લીંબડીના હોવાનું જાણવા મળ્યું હતું ત્યારે એકનું નામ ઈમરાન જારા અને સુરેશભાઈ કિર્તીભાઈ પટેલ હોવાનું જાણવા મળ્યું હતું ત્યારે બંને મૃતકને 108 દ્વારા લીંબડી સિવિલ હોસ્પિટલ ખાતે ખસેડવામાં આવ્યા હતા. લકઝરી ચાલક ફરાર થઈ જવા પામ્યો હતો ત્યારે આ ઘટનાની જાણ પોલીસને થતાં પોલીસ ઘટનાસ્થળે દોડી આવી હતી અને વધુ તપાસ હાથ ધરી હતી. બીજી તરફ લીંબડી હોસ્પિટલમા મૃતકના પરિવારજનો અને સમાજના લોકો મોટી સંખ્યામાં ઉમટી પડ્યા હતા.
Advertisement
કલ્પેશ વાઢેર સુરેન્દ્રનગર
