લીંબડી અમદાવાદ હાઈવે પર લકઝરીએ ત્રણ યુવાનોને અડફેટે લેતા એક વ્યક્તિનુ મોત.

મળતી માહિતી મુજબ અને પરિવારના જણાવ્યા પ્રમાણે જાખણ ગામના યુવાન પોતાની નોકરી તરફ જઈ રહેલ હતા અને જાખણના પાટીયા નજીક ઉભા હતાં ત્યારે એકાએક પુરપાટ ઝડપે આવતી લકઝરીએ એક સાથે ત્રણ યુવાનોને અડફેટે લીધા હતા ત્યારે તાત્કાલિક અસરથી ત્રણેય યુવાનોને લીંબડી સિવિલ હોસ્પિટલ ખસેડાયા હતા ત્યારે ફરજ પરના તબીબે રવિરાજસિહ મંગળસિહ ઝાલાને મૃત જાહેર કર્યા હતા જેમાં અન્ય બે યુવાનો સર્વેશ્વર રામશંભુ અને શીવાનંદ રામદુલેરાને ગંભીર ઈજા‌ હોવાને કારણે તાત્કાલિક અસરથી સુરેન્દ્રનગર હોસ્પિટલ ખાતે વધુ સારવાર અર્થે ખસેડવામાં આવ્યા હતા ત્યારે પોલીસને ઘટનાની જાણ થતાં પોલીસ ઘટનાસ્થળે દોડી આવી હતી અને અકસ્માતનો ગુન્હો નોંધી વધુ તપાસ હાથ ધરી છે.

કલ્પેશ વાઢેર સુરેન્દ્રનગર