લીંબડી અમદાવાદ હાઈવે પર આવેલ ઓનેસ્ટ હોટલ નજીક અકસ્માત સર્જાતા એક વ્યક્તિનું ઘટનાસ્થળે કમકમાટીભર્યું મોત નીપજયું

લીંબડી હાઇવે અકસ્માત ઝોન બન્યો હોય તેવું લાગી રહ્યું છે રોજે નેશનલ હાઇવે પર અકસ્માત સર્જાય છે ત્યારે વધુ એક અકસ્માત આજે સવારે લીબડી અમદાવાદ હાઈવે પર આવેલ ઓનેસ્ટ હોટલ નજીક અકસ્માત સર્જાયો હતો. જેમાં મળતી માહિતી મુજબ વાત કરવામાં આવે તો ભલગામડા ગામના વિક્રમસિંહ ટપુભા ઝાલા જેઓ બાઈક લઈને પોતાના ખેતર તરફ જતા હતા ત્યારે પુરપાટ ઝડપે આવી રહેલ ડંમ્પરે જેઓને અડફેટે લીધા હતા ત્યારે વિક્રમસિંહનુ ઘટનાસ્થળે જ કમકમાટીભર્યું મોત નીપજયું હતું. ત્યારે ડેડબોડીને લીબડી સિવિલ હોસ્પિટલ ખાતે ખસેડવામાં આવી હતી. આ બાબતે પોલીસને જાણ થતાં પોલીસ ઘટનાસ્થળે દોડી આવી હતી અને આ અંગે વધુ તપાસ હાથ ધરી છે.