ઉમરપાડા તાલુકાના વાડી ગામના તળાવ ફળિયામાં રહેતા એક ૩૫ વર્ષીય યુવકનું તળાવના પાણીમાં ડૂબી જવાથી કરૂણ મોત નિપજ્યું. વાડી ગામના તળાવ ફળિયામાં રહેતો સંદીપભાઈ સંપતભાઈ વસાવા ઉંમર વર્ષ ૩૫ તળાવમાં ન્હાવા માટે ગયો હતો ત્યારે તળાવમાં તેનો પગ લપસી જતા ઊંડા પાણીમાં ડૂબી જવાથી તેનું મોત નીપજ્યું હતું .આ યુવક વાલિયા ખાતે ડી.જી.વી.સી.એલ. કંપનીમાં લાઇનમેન તરીકે નોકરી કરતો હોવાનું જાણવા મળી રહ્યું છે.
ઘટનાની જાણ મરણ જનારના પિતા સંપતભાઈએ ઉમરપાડા પોલીસને કરતા પોલીસે ઘટનાસ્થળે દોડી આવી હતી. પોલીસે અકસ્માત મોતનો ગુનો નોંધી મૃતદેહનો કબ્જો લઈ પી.એમ સહિતની કાર્યવાહી શરૂ કરી છે.
Advertisement
વિનોદ મૈસુરિયા : વાંકલ
