ઉમરપાડા અને વડપાડા વન વિભાગ રેન્જ કચેરીના અધિકારી અને વન કર્મી સ્ટાફ તરફથી આઠ ગામનાં સો (100)જેટલાં કોટવાલિયા -કાથુરિયા ગરીબ પરિવારોને અનાજ કિટનું વિતરણ કરવામાં આવ્યું હતું. નાયબ વન સંરક્ષક પુનિત નૈયર અને મદદનિશ વન પી. જે. ચૌધરીનાં માર્ગદર્શન હેઠળ ઉમરપાડા વન વિભાગ રેન્જ કચેરીનાં રેન્જ ફોરેસ્ટ ઓફિસર અનિલભાઈ જી. પટેલ તેમજ વન કર્મી સ્ટાફ તરફથી પીનપુર -દરડા, લિમ્બરવાણ, અને ઉમરગોટ ગામના 50 કોટવાણીયા ગરીબ પરિવારોને અનાજ કિટનું વિતરણ કરાયું હતું. એ જ પ્રમાણે વન વિભાગના ફોરેસ્ટ ઓફિસર ભાલેસીંગ વસાવા તેમજ વન કર્મી સ્ટાફ તરફથી વડપાડા, હલધારી, દિવતન, ધાણાવડનાં 50 જેટલાં ગરીબ પરિવારોને કીટ આપવામાં આવી હતી. આ કીટમાં ચોખા, ચણા દાળ, તેલ, હળદર, મરચું, ચા, ખાંડ તેમજ બિસ્કિટનાં પેકેટનું વિતરણ કયુૅ હતું.
Advertisement
