વડોદરાના જાણીતા બિલ્ડર અને કાન્હા ગ્રુપ સાથે સંકળાયેલા નવલ ઠક્કર વિરુદ્ધ દુષ્કર્મ અંગેની ફરિયાદ જે.પી રોડ પોલીસ સ્ટેશનમાં નોંધવામાં આવી છે. આ કામનો આરોપી નવલ ઠક્કર હાલ ફરાર થઈ ગયેલ હોવાની માહિતી સાંપડી રહી છે.
પ્રાપ્ત વિગતો અનુસાર વડોદરાના ઠક્કર સમાજના એક વાલીએ પોતાની કોલેજ કરતી ૧૯ વર્ષની સાથે દુષ્કર્મ આચરનાર બિલ્ડર વિરુદ્ધ ફરિયાદ કરી છે તેઓએ જણાવ્યું હતું કે આ કામનો આરોપી વડોદરા ખાતે રહેતો અને જાણીતા બિલ્ડર ગ્રુપ સાથે સંકળાયેલો નવલ ઠક્કર કન્સ્ટ્રક્શનનો વેપાર કરે છે અને તે એક સંતાનનો પિતા છે. તે પોતાના ઘરે અવારનવાર આવતો હતો અને તેની દાનત સાફ ન હોવાનું પણ માલુમ પડેલ જેથી યુવતીના ઘરવાળાઓએ તેઓને ચેતવણી આપેલી કે તમે અહી આવશો નહીં. આ કામનો આરોપી પૈસાના જોરે દીકરી જ્યારે કોલેજ જતી ત્યારે ત્યાંથી લઈ જતો હતો. આરોપી નવલ ઠક્કરને એક સંતાન હોવા છતાં અને પોતે પરિણીત હોવા છતાં પ્રેમ સંબંધ બાંધી લગ્ન કરવાની લાલચે છેલ્લા છ માસ ઉપરાંતથી તેની સાથે શારીરિક સંબંધ બાંધતો હતો. બિલ્ડરે દીકરીને અલગ મોબાઈલ પણ લઈ આપ્યો હતો જે મોબાઈલના ડેટામાં નવલ ઠક્કર અને દીકરીના વાંધાજનક ફોટા તથા સંવાદ જોવા મળેલ જેથી પિતાએ જે.પી. રોડ પોલીસ મથકમાં આરોપી નવલ ઠક્કર વિરુદ્ધ દુષ્કર્મનો ગુનો દાખલ કરાવતા પોલીસે આરોપીના ધરપકડના ચક્રો ગતિમાન કરવા સાથે યુવતીના મેડિકલ ચેકઅપ સહિતની કાર્યવાહી હાથ ધરી છે.
