વડોદરા શહેરના પાણીગેટ પોલીસ મથકના ઇન્ચાર્જ પીઆઇ ડી.વી ઢોલા તેમજ સ્ટાફને બાતમી મળી હતી કે ગાજરાવાડી જૂની વોર્ડ નંબર 3 ની ઓફિસ પાસે વિઠ્ઠલ નિવાસ નામના મકાનમાં વિદેશી શરાબનો જથ્થો લાવીને સંગ્રહ કરવામાં આવ્યો છે જેનું વેચાણ થવાનું છે. જે બાતમીના આધારે પોલીસે દરોડો પાડતા સ્થળ પરથી વિવિધ બ્રાન્ડની વિદેશી શરાબની 132 નંગ બોટલો મળી આવી હતી. જ્યારે શરાબનો સંગ્રહ કરનાર શકુબેન ભગવાનભાઈ સોલંકીની પાણીગેટ પોલીસે ધરપકડ કરી હતી. પોલીસે દીપેશ પરમાર રહે. વિઠ્ઠલનિવાસ ગાજરાવાડી તેમજ સુરેશ ઉર્ફે ભીખો ભગવાનભાઈ સોલંકી રહે. વણકરવાસ ગાજરાવાડીને વોન્ટેડ જાહેર કરી 66000 ની કિંમતના વિદેશી શરાબના જથ્થાને જપ્ત કર્યો હતો.
Advertisement
