વડોદરા શહેરમાં હોળી ધૂળેટીના પર્વ દરમિયાન પોલીસે ત્રણ સ્થળે દરોડા પાડી દારૂની હેરાફેરી કરતા ત્રણ ખેપિયાને ઝડપી પાડ્યા હતા. ગોરવાના સમતા ગ્રાઉન્ડ ઉપર દારૂની હેરાફેરી કરવામાં આવી રહી હોવાની વિગતોને પગલે પોલીસે દરોડો પાડતા ખેપિયા મળી આવ્યા ન હતા.પરંતુ બે સ્કૂટર મળ્યા હતા. જેમાંથી પોલીસે રૂ.14000 ની કિંમતની દારૂની 35 બોટલ કબજે કરી હતી. ગોરવા પોલીસે સ્કૂટરના નંબરને આધારે વધુ તપાસ હાથ ધરી છે.
અન્ય એક બનાવમાં ફતેગંજ રોજીઝ ગાર્ડન પાસે પોલીસે સ્કૂટર પર જતા બે યુવકોને રોકી એક થેલો કબજે કર્યો હતો. જેમાં દારૂની રૂ.17000 ની કિંમતની એક ડઝન બોટલ મળી હતી. પોલીસે લવ પ્રતાપસિંહ રાજપુત (જવાહર નગર, સયાજીગંજ) અને શિવમ શિવ પૂજન યાદવ (જય અંબે નગર,સયાજીગંજ)ની અટકાયત કરી હતી.
આવી જ રીતે નવાપુરા શિયાબાગ વિસ્તારમાં વ્રજવિહાર એપાર્ટમેન્ટમાં રહેતો સંગ્રામ મહેશભાઈ કહાર દારૂનો ધંધો કરતો હોવાની વિગતો મળતા પોલીસે દરોડો પાડી તેની પાસે કુલ રૂ.8400 ની કિંમતની 28 બોટલ કબજે કરી હતી.
